The news is by your side.

دنیا بھر میں کرونا سے ہونے والی اموات 46 لاکھ سے بڑھ گئیں

0

کرونا کی تباہ کاریوں نے پوری دنیا کو ہلا کر رکھ دیا ہے ۔ اس وبا نے مریضوں اور اموات کے نہ رکنے والے سلسلہ کو ابھی تک جاری رکھا ہوا ہے ۔

اس وقت دنیا بھر میں کرونا سے متاثرہ افراد کی تعداد 22 کروڑ 61 لاکھ 11 ہزار 764 سے تجاوز کرگئی ہے ۔ جبکہ اموات 46 لاکھ 52 ہزار 801 ہوگئیں ہیں ۔ دنیا بھر کے ہسپتالوں اور قرنطینہ سینٹرز میں کرونا کے مریضوں کی تعداد 1 کروڑ 87 لاکھ 1 ہزار 864 ہوگئی ہے ۔ ان میں سے 1 لاکھ 2 ہزار 545 مریض تشویشناک حالت میں زیر علاج ہیں ۔ جبکہ 20 کروڑ 27 لاکھ 57 ہزار افراد اس موذی مرض کو شکست دیکر زندگی کی رونقوں میں واپس آگئے ہیں ۔

کرونا کیسز اور اموات کی شرح کے حوالہ سے امریکا بدستور فہرست میں پہلے نمبر پر موجود ہے ۔ امریکا میں اب تک اس وائرس سے 6 لاکھ 80 ہزار سے زائد اموات ہوچکی ہیں ۔ بھارت اس فہرست میں 4 لاکھ 43 ہزار سے زائد اموات کے ساتھ دوسرے ، برازیل تیسرے ، برطانیہ چوتھے ، بدرجہ فہرست روس ، فرانس ، ترکی ، ایران ، ارجنٹینا اور کولمبیا کرونا سے بدترین صورتحال کا شکار ہیں ۔

کرونا کا پہلا کیس جس ملک میں پروان چڑھا یعنی چین وہ اب 109ویں پوزیشن پر آگیا ہے ۔ پاکستان اس فہرست میں 30ویں پوزیشن پر موجود ہے ۔ نیشنل کمانڈ اینڈ آپریشن سینٹر کے موجودہ اعداد و شمار کے مطابق گزشتہ 24 گھنٹوں میں کرونا کے مزید 2 ہزار 580 کیسز سامنے آئے ہیں ۔ 78 افراد اس دوران وائرس کا شکار بن چکے ہیں ۔ جبکہ 7 ہزار 240 مریض شفایاب ہوگئے ہیں ۔

ملک بھر میں اب تک کرونا سے ہونے والی اموات 26 ہزار 865 سے تجاوز کرچکی ہیں ۔ اس مرض کے متاثرہ افراد ملک بھر میں 12 لاکھ 10 ہزار 82 ہوگئے ہیں ۔

جواب چھوڑیں

آپ کا ای میل ایڈریس شائع نہیں کیا جائے گا.