رونے والے سین بغیر گلیسرین کے شوٹ کرواتی ہوں

اداکارہ کبری خان نے اپنی اداکارانہ جوہر کا تذکرہ کرتے ہوئے بتایا کہ وہ ڈرامہ کی شوٹنگ میں رونے والے سین بغیر گلیسرین کے عکس بند کرواتی ہیں ۔ سین پڑھکر صورتحال کو اتنا طاری کرتی ہوں کے دل اس صورتحال سے متاثر ہوجاتا ہے اور خود بخود آنسو نکل آتے ہیں ۔ کبری نے ایک نجی ویب شو میں اس بات کا تذکرہ کیا ۔

انہوں نے مزید اس حوالہ سے بات کرتے ہوئے کہا کہ اگر میرا موڈ نہیں بن پارہا ہو تو خود گلیسرین مانگ لیتی ہوں ۔ اسکرپٹ کو زیادہ محسوس کرنے لگی ہوں ۔ کردار کو سمجھنے کی زیادہ کوشش کرتی ہوں تاکہ عکس بندی میں حقیقی جذبات کا اظہار کرسکوں ۔

انہوں نے اس موقع پر اپنی ایک الجھن کا بھی تذکرہ کیا جس کیوجہ سے تین سال تک وہ شوبز سے کنارہ کش رہیں ۔ بعد میں مجھے اندازہ ہوا کہ میری یہ الجھن کام سے متعلق نہیں ۔