The news is by your side.

وزیر اعظم کے دورہ کراچی میں وزیر اعلی سندھ کی غیر حاضری

گزشتہ روز وزیر اعظم عمران خان کراچی کے ایک روزہ دورہ پر تشریف لائے تھے ۔ اس دورہ کے دوران انہیں کراچی ٹرانسفارمیشن پلان کے ترقیاتی منصوبوں پر بریفنگ دی گئی تھی ۔ ترجمان سندھ حکومت کے مطابق کراچی ٹرانسفارمیشن پروگرام کا بڑا حصہ سندھ حکومت کا ہے اور سندھ کی صوبائی قیادت کو اس موقع پر مدعو نہیں کیا گیا ۔

اس دورہ میں وزیر اعظم نے کراچی شپ یارڈ میں شپ لفٹ اینڈ ٹرانسفر سسٹم کا افتتاح کیا تھا ۔ اس موقع پر گورنر سندھ عمران اسماعیل اور وفاقی وزرا ساتھ تھے ۔

اس دورہ میں وزیر اعظم عمران خان سے سندھ کی صوبائی وزارت اعلی کی کوئی آفیشل ملاقات نہیں ہوسکی تھی ۔ وزیر بلدیات ناصر حسین شاہ نے شکوہ کیا کہ وزیر اعظم نے کراچی آمد کے موقع پر وزیر اعلی سندھ سے ملاقات کو نظرانداز کیا ہے ۔

وزیر بلدیات ناصر حسین شاہ نے ان خیالات کا اظہار ایک نجی ٹی وی کے مقبول پروگرام میں کیا ۔

 

تبصرے بند ہیں.