انضمام الحق عارضہ قلب میں مبتلا

پاکستان کے سابق کپتان اور اسٹار بلے باز انضمام الحق گزشتہ رات طبیعت کی خرابی کی بنا پر ہسپتال لائے گئے تھے ۔

لاہور کے ایک نجی ہسپتال میں ان کی انجیو پلاسٹی کرکے ایک اسٹنٹ ڈالنے کے لئے آپریشن کیا گیا تھا ۔ ڈاکٹروں کی رپورٹ کے مطابق سابق کپتان اب بہتر حالت میں ہیں ۔

انضمام پاکستان کی کرکٹ تاریخ  میں سب سے زیادہ گیارہ ہزار سات سو ایک رنز بنانے والے پہلے پاکستانی ہیں ۔ انہوں نے یہ رنز تین سو پچھتر میچوں میں جوڑے تھے ۔

اس کے علاوہ ٹیسٹ میچوں میں پاکستان کے تیسرے بڑے اسکور کے مالک ہیں ۔ ان کو پاکستان کی تاریخ کا سب سے کامیاب کپتان بھی کہا جاتا ہے ۔

انضمام الحق کی ناسازی طبع کی خبر سے کرکٹ حلقہ میں تشویش کی لہر دوڑ گئی ہے ۔ سوشل میڈیا پر کرکٹ کے کھلاڑی اور پرستار اپنے پسندیدہ بلے باز کے لئے پریشان اور دعاگو ہیں ۔

شعیب ملک نے اپنی ٹوئٹ میں لکھا ہے کہ انضی بھائی آپ ایک فائیٹر ہیں ۔ اللہ آپ کو جلد صحتیاب کرے اور صحت والی لمبی عمر عطا کرے ۔

سابق کپتان سرفراز احمد نے اپنے پیغام میں لکھا کہ ان شاء اللہ انضمام الحق جلد صحتیاب ہونگے ۔

اظہرعلی نے اپنی ٹویٹ میں لکھا کہ میرے بچپن کے ہیرو انضمام الحق کی جلد صحتیابی کے لئے بہت سی دعائیں ۔