دنیا کی ممتاز چیزوں کا شہر دبئی ایک اور امتیاز کے ساتھ

دنیا کا انجینئرنگ عجوبہ شہر دبئی اپنی نت نئی ایجادات کے ساتھ ہمیشہ خبروں میں رہتا ہے ۔ اس شہر کی خاصیت یہ بھی ہے کہ یہ متعدد ورلڈ گنیز ریکارڈ بھی رکھتا ہے ۔ جیسے دبئی کا سب سے اونچا ٹاور برج خلیفہ ، دنیا کا سب سے اونچا ریستوران ، دنیا کا بلند ترین انفینیٹی پول ، دنیا کا سب سے بڑا فاؤنٹین شو ، دنیا کا تیز ترین رولر کوسٹر ، دنیا کا سب سے بڑا انڈور تھیم پارک اور اب دنیا کا سب سے بڑا مشاہداتی پہیہ بھی دبئی میں تیار کیا جاچکا ہے ۔

بلیو واٹر جزیرہ میں عین دبئی کا منصوبہ مئی 2013 میں شروع کیا گیا تھا جسے 8 سال کے قلیل عرصہ میں مکمل کرلیا گیا ۔ اس منصوبہ کو 21 اکتوبر 2021 میں عوام کے لئے کھول دیا جائے گا ۔ 250 میٹر سے زیادہ بلند عین دبئی ، لاس ویگاس میں موجود ہائی رولر دنیا کے سب سے لمبے وہیل سے 82 میٹر بلند ہے ۔ یہ لندن آئی کے سائز سے دوگنا ہے جو 135 میٹر پر دریائے ٹیمز پر موجود ہے ۔

اس معیاری پہیہ کا رقبہ 4 گنا ہے ۔ اس ڈھانچہ کی تعمیر کے لئے 11 ہزار 2 سو ٹن اسٹیل استعمال کیا گیا ہے ۔ اتنی مقدار ایفل ٹاور میں استعمال شدہ سے 33 فیصد زیادہ ہے ۔ اس میں 48 مسافر کیبن لگائے گئے ہیں جن میں ہر کیبن 40 لوگوں کی گنجائش رکھتا ہے ۔ یعنی بیک وقت 1 ہزار 750 افراد عین دبئی کا نظارہ کرسکتے ہیں ۔