سائیکل پر کے ٹو بیس پہنچنے والی پہلی پاکستانی لڑکی

سماجی رابطی کی مشہور ویب سائٹ انسٹا گرام پر کچھ دیر پہلے ایک ویڈیو اور اسٹوری کو کافی دیکھا اور پسند کیا جارہا ہے ۔ اس اسٹوری میں ایتھلیٹ ثمر خان سائیکل پر کے ٹو بیس کیمپ پہنچ کر ایک منفرد ریکارڈ اپنے نام کررہی ہیں ۔

انسٹا گرام پر ثمر خان نے سائیکل پر بیس کیمپ پہنچنے کے سفر کو صلاحیتوں کا امتحان قرار دیا ۔ انہوں نے اپنے اس سفر کو تبدیلی کے سفر کا نام دیا ۔

انہوں نے اپنی پوسٹ میں مزید لکھا کہ اونچائی پر چڑھنا جبکہ آکسیجن لیول بھی کم ہو اس سے میرا اسٹیمنا مضبوط ہوا ہے ۔ چوٹوں ، موسم کی سختیوں اور برفباری نے مجھے پہلے سے زیادہ قوی کردیا ہے ۔

ثمر خان اس سفر کے علاوہ بھی بر اعظم افریقہ کے سب سے اونچے پہاڑ کوہ کلیمنجارو کو بھی اپنی بائیک سے تسخیر کرچکی ہیں ۔ اس کے علاوہ قراقرم کے پہاڑی سلسلہ میں واقع بیافو گلیشیر پر بھی بائیک پر پہنچ چکی ہیں ۔