مینار پاکستان واقعہ میں پیش رفت

14 اگست کو مینار پاکستان پر پیش آنے والے واقعہ پر پراسیکیوشن ٹیم کو کیس میں ہونے والی نتیجہ خیز کارکردگی کے متعلق تفصیلات بتائی گئیں ۔

وضاحتی بیان میں بتایا گیا کہ تمام ویڈیوز فرانزک لیبارٹری بھجوائی جاچکی ہیں ۔ اس کے علاوہ متاثرہ لڑکی کے کپڑوں پر پائے گئے فنگر پرنٹس کے نمونے بھی فرانزک کے لئے بھجوا دئیے گئے ہیں ۔

مزید کاروائیوں کے لئے نادرا کے ریکارڈ سے ملزمان کی شناخت کا کام جاری ہے ۔ پولیس نے جائے وقوعہ کا نقشہ بنوالیا ہے ۔ جس سے آگے کی کاروائی کو مزید بہتر بنایا جاسکے گا ۔

ملزمان کی شناختی پریڈ کے بعد عدالت سے جسمانی ریمانڈ کی درخواست کی جائے گی ۔