نائلہ کیانی : گاشربرم دوم سرکرنے والی پاکستان کی قابل فخربیٹی

نائلہ کیانی دنیا کی 13 ویں بلند ترین چوٹی گاشرم برم دوم سر کرنے والی پاکستان کی پہلی خاتون کوہ پیما بن گئیں ۔ ایک بین القوامی میڈیا ہاؤس کو انٹرویو دیتے ہوئے نائلہ کا کہنا تھا کہ گاشرم برم دوم کو سر کرنا ان کی پہلی ترجیح تھی ۔ 8 ہزار میٹر سے بلند چوٹیاں کوہ پیمائی کے نقطہ نظر سے بہت اہم ہوتی ہیں کیونکہ ڈیتھ زون کا آغاز ہی 8 ہزار میٹر سے بلندی پر ہی ہوتا ہے ۔ اس اونچائی کی چوٹی کسی عورت کے لئے تسخیر کرنا ایک مشکل کام تھا جس کے لئے مجھے کافی سراہا جارہا ہے ۔

نائلہ پیشے کے لحاظ سے بینکر ہیں اور کوہ پیمائی ان کا شوق ہے ۔ ان کا مقصد نیپال اور پاکستان کی تمام بلند چوٹیوں کو سر کرنا ہے ۔

نائلہ کا کہنا تھا کہ کوہ پیمائی ایک بہت چیلنجنگ کام ہے ۔ کوئی بھی پاکستانی خاتون اب تک پہلی پانچ بلند چوٹیاں اب تک سر نہیں کرپائی ہے ۔

یاد رہے کہ گاشرم برم دوم گلگت بلتستان میں واقع ہے ، یہ 8 ہزار 35 میٹر بلند ہے ۔ پاکستان اور نیپال میں 8 ہزار میٹر سے بلند چودہ چوٹیاں موجود ہیں ۔ جن میں سے زیادہ تر نیپال میں اور 5 پاکستان میں واقع ہیں ۔

نائلہ کا کہنا ہے کہ ریکارڈ میں نام درج کروانے سے زیادہ اہم ایک ناممکن کام کو ممکن بنانا تھا ۔ یاد رہے کہ نائلہ نے شادی بھی کے ٹو کے بیس کیمپ میں کی تھی جو نائلہ کی پہاڑوں سے محبت کو ظاہر کرتی ہے ۔