پی سی بی کے سربراہ ریمبو کہنے پر خفا

پاکستان کرکٹ بورڈ (پی سی بی) کے چیئرمین رمیز راجہ نے جمعہ کو صوبائی کوچز کے ساتھ ورچوئل میٹنگ میں انہیں ’ریمبو‘ بلانے پر کوچ پر برہم ہو گئے ۔

میڈیا ذرائع کے مطابق رمیز راجہ نے چھ صوبائی کوچز کے ساتھ ورچوئل میٹنگ کی جس میں ان کے کچھ پرانے ساتھی بھی شامل تھے ۔

ملاقات کے دوران ، صوبہ سندھ کے ہیڈ کوچ اور پاکستان کے سابق ٹیسٹ بلے باز باسط علی جو کہ رمیز کے بے تکلف دوست تھے ، نے انہیں ’’ ریمبو ‘‘ کہا ۔

رمیز نے کچھ جارحیت کے ساتھ اس پر سخت ردعمل ظاہر کیا اور کہا ، مسٹر باسط کیا ہوا ، میں پی سی بی کا چیئرمین ہوں ۔ تمہیں مجھ سے مخاطب ہوتے ہوئے حفظ مراتب کا خیال رکھنا چاہئیے ۔ رمیز نے باسط کو یاد دلایا کہ وہ ایک پیشہ ورانہ ملاقات کا حصہ ہیں دوستوں کی بے تکلف محفل میں نہیں بیٹھے ۔

باسط علی کو رمیز کے جارحانہ جواب کے بعد تمام کوچ سنجیدہ ہو گئے۔

میٹنگ میں چیئرمین پی سی بی نے ایک اور کوچ شاہد اسلم کو ان کے دوستانہ رویے پر تنقید کا نشانہ بنایا اور انہیں سختی سے مشورہ دیا کہ وہ کوچنگ کے معاملات پر بات کریں اور دوستی کی قیمت ادا کرنے کی کوشش نہ کریں ۔