کابل سے یورپی ممالک کے شہریوں کا انخلاء

افغانستان کی موجودہ صورتحال کے تناظر میں اس وقت تمام ممالک اپنے شہریوں کے افغانستان سے باحفاظت انخلاء کے لئے کام کررہے ہیں ۔ اس حوالہ سے ہوائی آپریشنز کی اب آخری پروازیں اپنے اپنے ملکوں کی جانب محو پرواز ہیں ۔

بیلجئیم کے وزیر اعظم نے اس خبر کی تصدیق کی ہے کہ انہوں نے آخری فلائٹ میں اپنے باقی 1400 افراد کو باحفاظت ملک پہنچا دیا ہے ۔ انہوں کابل ہوئی اڈہ کی موجودہ صورتحال کو غیر تسلی بخش قرار دیتے ہوئے کہا کہ کابل ہوئی اڈہ کے کچھ مقامات سے داخلہ ناممکن ہوگیا ہے ۔

ہنگری کے وزیر دفاع کا بیان بھی اس ضمن میں آیا ہے کہ کابل سے ہنگری کے 540 شہریوں کا انخلاء مکمل کرلیا گیا ہے ۔ ہنگری کے فوجی بھی کابل سے نکل چکے ہیں ۔

اس کے علاوہ ڈنمارک کے 90 شہری بھی ملک واپس پہنچ گئے ہیں ۔ ڈنمارک نے باضابطہ طور پر اپنے آپریشن کی تکمیل کا اعلان کردیا ہے ۔

برطانوی میڈیا نے بھی کابل ہوائی اڈہ کی صورتحال کو غیر یقینی قرار دیا ہے ۔ پولینڈ اور نیدرلینڈ کے لئے آج کابل سے آخری پروازیں چلیں گی یوں ان کے شہری بھی ملک سے نکلنے میں کامیاب ہوجائیں گے ۔