معیشت کی بہتری کے لئے آئی ایم ایف کے پاس جانا پڑا : وزیر خزانہ

وزیر خزانہ شوکت ترین نے ایک پریس کانفرنس میں کہا کہ عالمی وبا کرونا کی وجہ سے کئی مشکلات درپیش رہیں ۔ ان مشکلات سے نبٹنے کے لئے آئی ایم ایف سے رجوع کیا گیا ۔ یہ حکومت پہلی بار آئی ایم ایف کے پاس گئی تھی اس وجہ سے سخت شرائط کا سامنا کرنا پڑا ۔

عالمی ادارہ نے معیشت کی بہتری کے لئے جو شرائط عائد کی اس کی وجہ سے ملک میں مہنگائی میں اضافہ ہوا اور گروتھ ریٹ 2 سے 5۔2 فیصد گرگیا ۔

معیشت میں بہتری کے آثار پیدا ہی ہوئے تھے کہ اومیکرون نے مشکلات سے دوچار کردیا ۔ وزیراعظم نے اسمارٹ لاک ڈاؤن کا طریقہ اپنایا جس کے تحت کاروبار مکمل بند نہیں ہوئے اور حالات بھی قابو میں رہے ۔ عالمی وبا میں ملکی خزانہ میں کمی کے باوجود حکومت نے تعمیرات ، ٹیکسٹائل ، ایکسپورٹ اور دیگر اہم معاشی سیکٹرز کو مراعات دیں ۔ عوامی ریلیف کے لئے احساس پروگرام کو متعارف کروایا گیا ۔

ٹیکس نیٹ ورک میں 13 فیصد اضافہ ہوا ۔ حکومت کامیاب پاکستان پروگرام کے تحت 10 ارب کے قرضے دینے کا پروگرام بھی رکھتی ہے ۔ تیل کی قیمتوں میں اضافہ سے تجارتی خسارہ بڑھا اور افغان بحران نے بھی ملکی معیشت پر دباؤ بنایا ۔