بھارتی فلمساز قندیل بلوچ پر فلم بنائیں گے

بھارتی فلمساز النکریتا شریواستو مقتول پاکستانی سوشل میڈیا شخصیت قندیل بلوچ پر فلم بنانے کا اعلان کیا ہے ۔ قندیل بلوچ نے اپنی یوٹیوب ویڈیوز سے شہرت حاصل کی تھی  لیکن 2016 میں انہیں ان کے بھائی وسیم نے غیرت کے نام پر قتل کر دیا تھا ۔

اس واقعہ نے پاکستان میں غیرت کے نام پر قتل پر ایک بحث کو جنم دیا ۔ قندیل کی زندگی کے بارے میں ایک بایوپک سیریل بنایا گیا تھا جس میں اس کی موت تک کے زندگی کے واقعات پیش کیے گئے ۔ اس سیریل میں اداکارہ صبا قمر نے مرکزی کردار ادا کیا تھا ۔ صبا قمر کو اس سیریل میں قندیل بلوچ کی جانداراداکاری کرنے پر کافی پذیرائی ملی تھی ۔

شریواستو اس سے قبل میڈ ان ہیون اور بمبئی بیگم سیریز تیار کر چکے ہیں ۔ انڈین ایکسپریس کے مطابق پروڈیوسر وکاس شرما اور سنی کھنہ نے پاکستانی صحافی صنم مہر کی کتاب دی سنسیشنل لائف اینڈ ڈیتھ آف قندیل بلوچ کے حقوق حاصل کر لیے ہیں ۔

جب قندیل بلوچ کو 2016 میں پاکستان میں قتل کیا گیا تو میں ہل کر رہ گیا ۔ یہ غیرت کے نام پر ایک گھناؤنا قتل تھا ۔ میں اس کے بارے میں سوچنے سے خود کو روک نہیں پارہا تھا ۔ وکاس شرما نے قندیل کے قتل پر اپنے جذبات کا اظہار کیا ۔

میں نے قندیل کی ویڈیوز بار بار دیکھنا شروع کیں، اور میں مسحور ہو گئی،  الانکریتا نے اپنے جذبات شیئر کیئے ۔ وہ بہت دلکش اور زندگی سے بھرپور تھی ۔ ایک چھوٹے سے گاؤں کی ایک غریب لڑکی نے ستم ظریفی سے مشہور ہونے تک اپنا کام کیا ۔ وہ صرف 26 سال کی تھی جب اسے قتل کیا گیا ۔

 یہ فلم بلوچوں کے جرات مندانہ جذبہ کی علامت ہے ، ڈائریکٹر نے ایک بیان میں کہا ۔