The news is by your side.

ڈیڑھ سو سے زائد اراکین پارلمنٹ کی رکنیت معطل

الیکشن کمیشن نے اثاثہ جات کی تفصیلات جمع نا کروانے پر 150 سے زائد اراکین پارلیمنٹ کی رکنیت کو معطل کردیا ہے ۔

ذرائع کے مطابق الیکشن کمیشن نے قومی اسمبلی کے 36 ، سینیٹ کے 3 اور پنجاب اسمبلی کے 69 اراکین کی رکنیت معطل کی گئی ہے ۔

جن اراکان کی رکنیت معطل کی گئی ہے ان میں وفاقی مذہبی امور نور الحق قادری ، وزیر مملکت فرخ حبیب ، وفاقی وزیر توانائی حماد اظہر اور وزیر تعلیم شفقت محمود شامل ہیں ۔

جبکہ دیگر اراکین میں فہمیدہ مرزا ، ڈاکٹر عامر لیاقت ، راجہ ریاض ، صداقت عباسی، خالد مقبول صدیقی کی بھی رکنیت معطل ہے۔

پنجاب اسمبلی کے اویس لغاری اور  بلوچستان کے سردار یار محمد رند بھی فہرست میں شامل ہیں ۔

جبکہ مسلم لیگ نون کے سینیٹر مصدق ملک اور سینیٹر سکند مندھرو کو بھی معطل کیا گیا ہے ۔

الیکشن کمیشن کے ترجمان کے مطابق معطل اراکین اسمبلی اور سینیٹ کے اجلاسوں میں شرکت کے لئے نااہل ہونے کے ساتھ کسی قانون سازی کا حصہ بھی نہیں ہونگے ۔

تبصرے بند ہیں.