پاکستان کے لئے 30 کروڑ ڈالر قرض کی منظوری
ایشیائی ترقیاتی بنک نے پاکستان کے لئے مارکیٹس اور نجی سرمایہ کاری کے فروغ کے لئے 30 کروڑ ڈالر قرض کی منظوری دی ہے ۔
ایشئین بنک کے تھرڈ کیپیٹل مارکیٹ ڈیولپمنٹ پروگرام کے تحت 2020 میں اس قرض کی منظوری دی گئی تھی ۔
اس پروگرام کے تحت سرمایہ کاروں کی ادارہ جاتی طلب سے استفادے کو یقینی بنانے اور متبادل مالیاتی آلات کے فروغ کے لئے اقدامات کئے جائیں گے ۔
ایشیائی ترقیاتی بنک کے جاری علامیہ میں بتایا گیا کہ بنک پاکستان میں کیپیٹل مارکیٹس کے فروغ اور ترقی میں کلیدی کردار ادا کررہا ہے ۔
بنک کے پروگرام کے تحت پاکستان میں پالیسی اقدامات میں معاونت فراہم کی جائے گی جس سے کیپیٹل مارکیٹس مستحکم اور سرمایہ کار متوجہ ہونگے ۔