آسٹریلیا کا دورہ پاکستان کا شیڈول جاری

پاکستان کرکٹ بورڈ نے آسٹریلین کرکٹ ٹیم کے دورہ پاکستان کے لئے میچوں کا شیڈول جاری کیا ہے ۔

آسٹریلین کرکٹ ٹیم 3 ٹیسٹ ، 3 ون ڈے اور 1 ٹی 20 انٹرنیشنل پر مشتمل سیریز میں پاکستان کے مد مقابل ہوگی ۔

پی سی بی کے اعلامیہ کے مطابق پہلا ٹیسٹ راولپنڈی میں 4 سے 8 مارچ تک کھیلا جائے گا ۔

سیریز کا دوسرا ٹیسٹ 12 سے 16 مارچ کے دوران کراچی میں اور تیسرا ٹیسٹ 21 مارچ سے 25 مارچ تک لاہور میں کھیلا جائے گا ۔

دونوں ٹیموں کے مابین ون ڈے سیریز کا پہلا میچ 29 مارچ ، دوسرا 31 مارچ اور تیسرا 2 اپریل کو کھیلا جائے گا اور ون ڈے کے تینوں میچز راولپنڈی اسٹیڈیم میں ہونگے ۔

سیریز کا واحد ٹی 20 میچ 5 اپریل کو راولپنڈی میں ہی کھیلا جائے گا ۔