مہنگائی 21 ماہ میں بلند ترین سطح پر پہنچ گئی ہے

پاکستان کے ادرہ شماریات نے اپنی ایک رپورٹ میں یہ انکشاف کیا ہے کہ گزشتہ دسمبر میں مہنگائی کی شرح 11 اعشاریہ 5 فیصد سے بڑھ کر 12 اعشاریہ 3 فیصد تک پہنچ گئی ہے ۔

مہنگائی اس وقت ملک میں 21 ماہ کی بلند ترین سطح پر ہے ۔ پیٹرولیم کی مصنوعات ، بجلی ، مکان کے کرائے ، ٹرانسپورٹ اور اشیائے خوردونوش کی قیمتوں میں ریکارڈ اضافہ ہوا ہے ۔

خوراک کے علاوہ دیگر اشیاء کی قیمتوں میں اضافہ کی بنیادی وجہ پیٹرولیم مصنوعات کی قیمتوں میں ہونے والا اضافہ ہے ۔ جولائی تا دسمبر 2021 کے دوران اوسط مہنگائی کی سالانہ شرح 9 اعشاریہ 81 فیصد پر پہنچ گئی ۔ شہروں میں مہنگائی کی سالانہ شرح 11 اعشاریہ 7 فیصد بڑھی جبکہ ماہانہ بنیادوں پر 2 اعشاریہ 3 فیصد گھٹی ۔ دیہاتوں میں مہنگائی کی سالانہ شرح میں 9 فیصد کا اضافہ ہوا اور 3 اعشاریہ 1 فیصد کی کمی ہوئی ۔

ماہرین معاشیات کا اس صورتحال پر کہنا ہے کہ روپے کی قدر میں جو زبردست کمی ہورہی ہے اس سے درآمدات کی وجہ سے مہنگائی میں اضافہ ہورہا ہے ۔ مہنگائی میں ماہ در ماہ اضافہ شہریوں کے لئے ایک ذہنی آزار بنتا جارہا ہے ۔