کراچی سردی کی لپیٹ میں رہے گا

محکمہ موسمیات نے اپنے ایک بیان میں کہا ہے کہ کوئٹہ میں ہونے والی بارش کے نتیجہ میں کراچی میں موسم مزید سرد ہوجائے گا ۔

کراچی میں اس وقت 8 کلو میٹر فی گھنٹہ کے حساب سے سرد ہوائیں چل رہی ہیں جس سے رات دن موسم سرد ہی رہے گا ۔ بائیس اور تئیس جنوری سے کراچی میں درجہ حرارت بہت کم ہوتے ہوئے سنگل ڈجٹ تک آ سکتا ہے ۔ سندھ میں بارش کا امکان نہیں تاہم سکھر اور لاڑکانہ میں اکیس اور بائیس جنوری کو بارش متوقع ہے ۔

محکمہ موسمیات نے کل بلوچستان میں بارش کی پیشگوئی کی ہے جس کا اثر کراچی پر بھی پڑے گا ۔

بلوچستان میں وادی زیارت اور کان مہتر زئی میں برف باری کا نیا سلسلہ شروع ہوگیا ہے ۔ بلوچستان انتظامیہ نے ہائی الرٹ جاری کردیا ہے رابطہ سڑکوں پر بلا تعطل ٹریفک کی روانی کے لئے مشینری کو اسٹینڈ بائی کردیا گیا ہے ۔