پاکستان کے لئے موڈیز کی منفی ریٹنگ

پاکستان کی غیر یقینی سیاسی صورتحال اور وزیر اعظم کے خلاف تحریک عدم اعتماد پر بین القوامی ریٹنگ ایجنسی موڈیز نے پاکستان کی کریڈٹ ریٹنگ منفی کردی ہے ۔

موڈیز نے اس حوالہ سے اپنے بیان میں کہا ہے کہ پاکستان میں عدم اعتماد کی تحریک پالیسی تسلسل پہ سوالیہ نشان ہے ۔ بیرونی فنڈنگ اور آئی ایم ایف سے فنڈنگ کے حصول میں تحریک عدم اعتماد بڑی رکاوٹ ثابت ہوسکتی ہے ۔

ادارہ نے پاکستان کی معاشی کارکردگی پہ بات کرتے ہوئے کہا کہ 8 ماہ میں پاکستان کا جاری خسارہ 12 ارب ڈالر رہا جبکہ رواں مالی سال میں جاری خسارہ جی ڈی پی تناسب میں 5 سے 6 فیصد رہنے کا امکان ہے جبکہ اس سے قبل یہ اندازہ جی ڈی پی تناسب میں 4 فیصد کا لگایا گیا تھا ۔

کرنٹ اکاؤنٹ خسارہ کی وجہ سے ملکی ذرمبادلہ ذخائر جولائی تا فروری کے درمیان 4 ارب ڈالر کم کئے اور مارچ سے عالمی مالیاتی ادارہ سے مزاکرات تعطل کا شکار ہیں ۔

ایجنسی نے کہا کہ عدم اعتماد کا جو بھی نتیجہ برآمد ہوگا حکمران جماعت کے لئے آمدن بڑھانے کے ریفارمز پر پیش رفت مشکل ہوجائے گی ، بیرونی امداد کا تسلسل اور مہنگائی بھی حکمران جماعت کا چیلنج ہوگی ۔