محمد حفیظ انٹرنیشنل کرکٹ سے ریٹائر

پاکستان کرکٹ ٹیم کے سینئر کھلاڑی محمد حفیظ المعروف پروفیسر نے انٹرنیشنل کرکٹ سے اپنی ریٹائرمنٹ کا اعلان کردیا ہے ۔ 2018 میں حفیظ نے ٹیسٹ کرکٹ سے ریٹائرمنٹ لے لی تھی ۔

41 سالہ ٹاپ آرڈر بیٹر نے 2003 میں زمباووے کے خلاف ون ڈے انٹرنیشنل میں ڈیبیو کیا تھا ۔  اکتوبر 1980 میں سرگودھا میں پیدا ہونے والے محمد حفیظ نے تینوں فارمیٹ کی کرکٹ میں پاکستان کی نمائندگی کی ۔ جبکہ 1 ٹیسٹ میچ ، 2 ون ڈے اور 29 ٹی20 بین القوامی میچوں میں پاکستان کی قیادت کی ۔

محمد حفیظ نے اپنے کیرئیر میں 329 بین القوامی میچز کھیلے جن میں بارہ ہزار سات سو اناسی رنز 21 سینچریوں اور 64 نصف سینچریوں کی مدد سے بنائے ۔ اس کے علاوہ حفیظ اچھے فیلڈر بھی تھے انہوں نے اپنے کیرئیر میں 160 کیچز بھی لئے ۔  آف بریک بالر کی حیثیت سے انہوں نے 253 وکٹیں بھی حاصل کر رکھی ہیں ۔