تحریک عدم اعتماد قومی اسمبلی میں پیش

قومی اسمبلی کے اہم اجلاس میں قائد حزب اختلاف شہباز شریف نے تحریک عدم اعتماد پیش کی جس کی اپوزیشن کے 161 اراکین نے حمایت کی ۔

ڈپٹی اسپیکر قومی اسمبلی قاسم سوری کی سربراہی میں اجلاس شروع ہوا ، شہباز شریف نے عدم اعتماد کی درخواست جمع کرواتے ہوئے کہا کہ وزیر اعظم عمران خان کے خلاف تحریک عدم اعتماد پیش کررہا ہوں ۔

ان کی درخواست کے بعد تحریک کے حامیوں اور مخالفین کی گنتی کی گئی ۔ حکومتی اتحادیوں اور پی ٹی آئی کے منحرف اراکین اس موقع پر ایوان میں موجود نہیں تھے ۔

تحریک عدم اعتماد کے بعد ڈپٹی اسپیکر نے اجلاس کو 31 مارچ بروز جمعرات تک ملتوی کردیا اور کہا کہ 31 مارچ کو اس تحریک پر بحث کی جائے گی ۔

قواعد کے مطابق تحریک عدم اعتماد پر 3 دن سے پہلے ووٹنگ نہیں ہوسکتی ۔ 3 دن کے بعد اور 7 دن کے اندر ووٹنگ کا عمل لازمی کرانا ہوتا ہے ۔