این سی او سی کا کرونا کنٹرول کے لئے سندھ حکومت کی مدد کا فیصلہ

نیشنل کمانڈ اینڈ آپریشن سینٹر نے سندھ بھر میں کرونا کے بڑھتے ہوئے کیسوں کی وجہ سے سندھ حکومت کی مدد کا فیصلہ کیا ہے ۔ این سی او سی کے سربراہ اسد عمر کی قیادت میں ایک اجلاس میں کراچی کی بگڑتی ہوئی صورتحال کو دیکھتے ہوئے یہ فیصلہ کیا گیا ۔

این سی او سی کے جاری بیان میں سندھ کے اسپتالوں میں انتہائی نگہداشت کے نئے وارڈز کے قیام ، آکسیجن ، وینٹی لیٹرز اور بیڈز کی مزید فراہمی کی منظوری دی گئی ۔ جبکہ کرونا ایس او پیز پر عمل درآمد کے لئے پولیس کی اضافی نفری کی تعیناتی پر بھی غور کیا گیا ۔