سندھ میں کرونا پابندیوں میں نرمی

سندھ حکومت نے اپنے جاری کئے گئے ایک نوٹیفیکیشن میں صوبہ میں کرونا کی پابندیوں میں نرمی کرتے ہوئے ہفتہ کے 6 روز مارکیٹوں کو 10 بجے تک کھولنے کی اجازت دیدی گئی ہے ۔

ہوٹلنگ سے متعلق نوٹیفکیشن میں انڈور ڈائن کو 12 بجے تک کھولنے کی اجازت دے دی گئی ہے ۔ اس کے علاوہ گھریلو تقریبات کے لئے 200 مہمان اور اوپن ائیر میں 400 مہمانوں کو شامل کیا جاسکے گا ۔

اب دفاتر میں 100 فیصد حاضری کے ساتھ کام کیا جاسکے گا ۔ اس حوالہ سے بازاروں ، شاپنگ مالز میں ایس او پیز کا جائزہ لینے کے لئے ٹیمیں دورہ کریں گی ۔ اس کے بعد گھروں سے کام کرنے کی شرط بھی ختم کردی جائے گی ۔

عوامی ذرائع نقل و حمل میں 50 فیصد جبکہ شہر سے باہر ٹرینوں میں 70 فیصد مسافر سفری سہولیات سے مستفید ہوسکیں گے ۔

ملک کے سرکاری ویب پورٹل کے مطابق گزشتہ 24 گھنٹوں میں کرونا کے 56 ہزار 733 ٹیسٹ ہوئے ۔ جس میں 2714 افراد کرونا مثبت پائے گئے ۔ جبکہ اس وائرس سے ہلاک ہونے والوں کی تعداد 73 رہی ۔