کابل ائیر پورٹ پر حالات کنٹرول سے باہر

طالبان کے کابل پر قبضہ کے بعد شہر کا ہوائی اڈہ شدید بدنظمی کا شکار ہوچکا ہے ۔ طالبان کے خوف سے امریکی حمایتی افغانی ملک چھوڑنے کے لئے بے تاب ہیں ۔ ان کی بے صبری کی وجہ سے فلائیٹ آپریشنز میں دقت پیش آرہی ہے ۔

ہوائی اڈہ پر حالات کو کنٹرول کرنے کے لئے امریکی فوج کے اہلکاروں کی جانب سے کی گئی فائرنگ سے 5 افراد جاں بحق ہوچکے ہیں ۔ افغان افراد کی بے صبری کی ویڈیوز میں ہوائی اڈہ کی سنگین صورتحال کا بغور مشاہدہ کیا جاسکتا ہے ۔

چلتے ہوئے جہاز کے ساتھ ایک جم غفیر بھاگ رہا ہے ۔ ایک ویڈیو میں دیکھا جاسکتا ہے کہ اڑتے جہاز کے ساتھ لٹک کر سفر کی کوشش میں ایک بد نصیب مسافر اونچائی سے گر جاتا ہے ۔

پاکستان نے کابل ہوائی اڈہ پر افراتفری کی صورتحال میں فلائیٹ آپریشنز بند کردیئے ہیں ۔