پنجاب اسمبلی کے اسپیکر کے خلاف بھی عدم اعتماد تیار
وزیر اعلیٰ پنجاب عثمان بزدار کے بعد اب متحدہ حزب اختلاف نے اسپیکر پنجاب اسمبلی کے خلاف بھی عدم اعتماد کی تحریک لانے کا فیصلہ کیا ہے ۔
متحدہ اپوزیشن پہلے ہی اپنا وزیر اعلیٰ پنجاب کے لئے لانے کا عندیہ دے چکی ہے ۔
قائد حزب اختلاف پنجاب اسمبلی حمزہ شہباز نے پارلیمانی پارٹی کے اہم رہنماؤں کو مسودہ کی تیاری کی ہدایات جاری کردی ہیں ۔
حتمی مسودہ حمزہ شہباز کی منظوری کے بعد اسمبلی سیکریٹیریٹ میں جمع کروایا جائے گا ۔
یاد رہے کہ قومی اسمبلی میں وزیر اعظم کے خلاف تحریک عدم اعتماد پر 3 روز کے وقفہ کے بعد آج بحث کی جائے گی ۔