The news is by your side.

ٹی20 : بنگلہ دیش کا پاپوانیو گنی کے لئے 182 رنز کا ہدف

انٹرنیشنل کرکٹ کونسل کے جاری ٹی20 ورلڈ کپ میں آج ہونے والے نویں میچ میں بنگلہ دیش نے ٹاس جیت کر پہلے بیٹنگ کا فیصلہ کیا ۔

مسقط کے میدان میں بنگلہ دیش کا یہ فیصلہ شروع میں اس کے خلاف جاتا نظر آیا جب بنگلہ دیش کو کھاتہ کھولے بغیر 1 وکٹ کا نقصان اٹھانا پڑا ۔ تاہم دوسری وکٹ کی شراکت میں لٹن داس اور شکیب الحسن نے 50 رنز کی شراکت قائم کی جس سے ٹیم کو سہارا ملا ۔

لٹن داس 29 رنز کی اننگ کھیل کر پویلین لوٹ گئے ۔ جبکہ شکیب نے دوسرا اینڈ سنبھالتے ہوئے ذمہ دارانہ بیٹنگ کا مظاہرہ کرتے ہوئے 46 رنز کی اننگ کھیلی ۔ ان کے علاوہ بنگلہ دیشی کپتان نے بھی 50 رنز بناکر اسکور کو قابل مزاحمت بنانے میں اہم کردار ادا کیا ۔

بنگلہ دیشی ٹیم کے تجربہ کار کھلاڑی مشفق الرحیم تاحال اپنی فارم حاصل نہیں کرسکے ہیں اور صرف 5 رنز بنا کر آؤٹ ہوگئے ۔ پاپوانیو گنی کے کامیاب باؤلرز میں راوو اور موریا نے 2، 2 کھلاڑی پویلین پہنچائے ۔

بنگلہ دیش کے لئے آج کا میچ جیت کر سپر 12 راؤنڈ کے لئے کولیفائی کرنے کا سنہری موقع ہے ۔

بنگلہ دیشی ٹیم اس موقع سے فائدہ اٹھائے گی یا نہیں اس کا فیصلہ آنے والے گھنٹوں میں ہوجائے گا ۔

تبصرے بند ہیں.