پریانکا چوپڑہ کی بیٹی گھر آگئی

پریانکا چوپڑہ اور نک جونس نے رواں برس جنوری میں اپنی ایک انسٹا اسٹوری میں سروگیسی کے ذریعہ والدین بننے کا اعلان کیا تھا ۔

بالی وڈ دیوا پریانکا چوپڑہ کی نوزائیدہ بیٹی مالتی میری 100 دن انتہائی نگہداشت میں رہنے کے بعد گھر آگئی ہے ۔

پریانکا نے گزشتہ دن منائے جانے والے ماؤں کے عالمی دن پر اپنی بیٹی کی تصویر کا پہلی دفعہ سوشل میڈیا پر اشتراک کیا ۔

پریانکا چوپڑہ نے اس موقع ایک طویل جذباتی پیغام کے ساتھ نک جونس اور اپنی بیٹی مالتی میری کی تصویر شئیر کی ۔

تصویر میں دیکھا جاسکتا ہے کہ پریانکا نے اپنی بیٹی کو سینے سے لگا رکھا ہے اور نک نے بچی کا ہاتھ  ، ہاتھ میں تھام رکھا ہے بچی کی منہ دکھائی نہیں کروائی گئی بلکہ سفید ایموجی لگا ہوا ہے ۔

پریانکا نے اپنی پوسٹ میں اسپتال کے ڈاکٹروں اور نرسوں کا اپنی بیٹی کا خیال رکھنے پر شکریہ بھی ادا کیا ۔

یاد رہے کہ مالتی میری کی پیدائش کیلیفورنیا کے ایک ہسپتال میں ہوئی ۔