روپے کے مقابلہ میں ڈالر کی اونچی اڑان

ملک میں جاری سیاسی بے یقینی نے ملکی معیشت پر منفی اثرات مرتب کئے اور اب اس کے نتائج آنا شروع ہوگئے ہیں ۔

پاکستانی روپیہ پر شدید دباؤ کے باعث ذرمبادلہ کے ذخائر تیزی سے کم ہورہے ہیں ۔ معاشی ماہرین نے ملک میں بڑے معاشی بحران کا خدشہ ظاہر کردیا ہے ۔

قومی اسمبلی کی تحلیلی کے بعد ڈالر کے مقابلہ میں روپے کی قیمت گرتی جارہی ہے اور انٹر بنک میں ڈالر کی قیمت 189 روپے ہوچکی ہے ۔

اتوار کو جب اسمبلیاں تحلیل کی گئیں دالر کی قیمت انٹر بنک میں 184 روپے تھی جو بڑھ کر 189 روپے پر پہنچ چکی ہے ۔

جب سے ملک میں سیاسی عدم استحکام ہوا ہے ڈالر کی قیمت میں 10 روپے کا اضافہ ہوگیا ہے ۔

پہلے ڈلار کی قیمت پیسوں میں بڑھ رہی تھی مگر دو تین روز میں یہ 2 سے 3 روپے تک روزانہ کے حساب سے بڑھ رہی ہے ۔

اس وقت ملک میں کوئی حکومت نہیں اور جو حکومت موجود ہے وہ غیر ذمہ دارانہ بیانات کی وجہ سے معیشت کو اور نقصان پہنچا رہے ہیں ۔

پاکستان میں ذرمبادلہ کے ذخائر تیزی سے کم ہورہے ہیں اور فی الحال 2 ماہ کی درآمدات کے ذخائر رہ گئے ہیں ۔ اگر ان میں مزید کمی ہوتی ہے تو پھر بحران کی کیفیت پیدا ہوجائے گی ۔