نئی کابینہ کے وزراء کو قلمدان سونپ دئیے گئے
نئی وفاقی کابینہ کے وزراء نے آج ہی حلف اٹھایا ہے جس کے بعد اب وزراء کو ان کی وزارت کے قلمدان سونپ دئیے گئے ہیں ۔
وفاقی وزیر رانا ثنا اللہ کو وزارت داخلہ کا قلمدان سونپا گیا ۔ مسلم لیگ نون کے سابق وزیر خزانہ مفتاح اسماعیل ایک بار پھر وزارت خزانہ کے حقدار قرار پائے ۔ جبکہ مریم اورنگزیب کو وزارت اطلاعات دی گئی ہے ۔
احسن اقبال وزارت منصوبہ بندی ، سینیٹر اعظم تارڑ وزارت قانون، شاہ زین بگٹی کو وزارت انسداد منشیات ، جے یو آئی کے مفتی عبدلاشکور کو وزارت مذہبی امور ، طلحہٰ محمود کو وزارت سیفران اور مولانا اسعد محمود کو وزارت مواصلات کا قلمدان سونپا گیا ہے ۔
مسل لیگ ق کے طارق بشیر چیمہ کو فوڈ سیکیورٹی اور ایم کیو ایم کے سید امین الحق آئی ٹی و ٹیلی کمیونیکیشن کی وزارتیں دی گئی ہیں ۔