وزیر اعظم آج کابینہ اجلاس کی صدارت کریں گے
کابینہ کے اجلاس کی صدارت آج وزیر اعظم عمران خان کریں گے جس میں 14 نکاتی ایجنڈہ زیر غور لایا جائے گا ۔
تفصیلات کے مطابق وفاقی حکومت اومیکرون کے بڑھتے کیسز کے پیش نظر کافی تشویش میں مبتلا ہے ۔
وزیر اعظم کی موجودگی میں کرونا کی موجودہ لہر ، اسمارٹ لاک ڈاؤن سمیت دیگر اہم امور پر بات کی جائے گی ۔
پاکستان میں مقیم غیر ملکی باشندوں کی معینہ مدت سے زائد موجودگی کو ایمنسٹی اسکیم کا حصہ بنائے جانے پر بھی بات ہوگی ۔ وزیر داخلہ شیخ رشید اس پر ایک سمری اجلاس میں پیش کریں گے ۔
آج کے اجلاس میں بین المذاہب ہم آہنگی پالیسی کا منصوبہ بھی زیر غور لایا جائے گا ۔
اس کے علاوہ بزنس کے فروغ سے متعلق ترامیم اور تقرریوں میں توثیق وغیرہ جیسے معاملات بھی اجلاس کے ایجنڈے کا حصہ ہیں ۔
فرسٹ وویمن بنک کے آڈٹ کے معاملات اور ضروری خدمات کی انجام دہی سے متعلق مجاز افسر کی تقرریوں کا نوٹیفکیشن بھی اجلاس میں زیر بحث لایا جائے گا ۔
تبصرے بند ہیں.