ہوا میں موجود ڈی این اے کے ذرات تک رسائی

برطانوی اور ڈینیش سائنسدانوں نے ایک ایسے طریقہ کی ایجاد کا دعوی کیا ہے جس سے ہوا میں موجود ڈی این اے کے ذرات تک رسائی حاصل کی جاسکے گی ۔

اس تجربہ کے لئے ایک چڑیا گھر کے بیس مقامات پر ویکیوم پمپ سے منسلک حساس فلٹر لگائے گئے ۔ اس تجربہ کی مدد سے سائنسدانوں نے 70 سے زائد ڈی این اے کے نمونے حاصل کرنے کا دعوی کیا ہے جن میں 17 جانوروں کے تھے ۔

سائنسدان اس تجربہ کی کامیابی کو ایک نئے باب کے کھلنے سے تعبیر کررہے ہیں ۔ اس طریقہ کو اپنا کر مستقبل میں جنگلی حیات کے بہتر مطالعہ میں مدد ملے گی نیز جانوروں کے ڈی این اے بھی بغیر انہیں تنگ کئے حاصل کئے جاسکیں گے ۔

اس طریقہ سے جرائم کی روک تھام میں بھی مدد ملے گی ۔ فضا میں موجود ڈی این اے تک رسائی حاصل کرکے مجرموں کو کیفر کردار تک پہنچایا جاسکے گا ۔