The news is by your side.

ٹیلی کام صارفین کے لئے موبائل ایپ

0

پاکستان ٹیلی کمیونیکیشن اتھارٹی نے ٹیلی کام صارفین کی سہولت کے لئے صارف دوست کمپلیمینٹ مینجمنٹ سسٹم موبائل ایپلیکیشن میں متعارف کروایا ہے ۔

پاکستان ٹیلی کمیونیکیشن اتھارٹی نے اپنی پریس ریلیز میں بتایا ہے کہ یہ ایپ گوگل پلے اور ایپل ایپ اسٹور پر دستیاب ہے ۔

اس ایپ کا مقصد ٹیلی کام سروسز سے متعلق عوامی شکایات کو آسان طریقہ سے رجسٹر کروانے میں سہولت فراہم کرنا ہے ۔

اس ایپ کی بدولت موبائل صارفین ٹیلی کام سروسز ، موبائل ریجسٹریشن ، ڈیوائس آئڈینٹیفکیشن ، رجسٹریشن اینڈ بلاکنگ سسٹم ، ویب مواد کی رپورٹنگ اور چوری شدہ فون کی بلاکنگ جیسے مسائل سے متعلق شکایات بغیر کہیں جائے درج کرواسکتے ہیں ۔

مذکورہ ایپ صارف کو اپنی شکایات کو ٹریک کرنے اور شکایات کے حل کے لئے رائے دینے کی اجازت بھی فراہم کرتی ہے ۔

اس ایپ میں صارفین ککی آگاہی و معلومات کے لئے مختلف مسائل پر پوچھے گئے سوالات کے جوابات بھی شامل کئے گئے ہیں ۔

پی ٹی اے سی ایم ایس ایپ کا اجراء پی ٹی اے کی نئی روش اور صارفین کی ضروریات کے بارے میں ترقی پسند حل کی فراہمی کو ممکن بنانا ہے ۔

صارفین پی ٹی اے کی اس ایپ پر ویب انٹرفیس اور پی ٹی اے کے کنزیومر سپورٹ سسٹم کے ٹول فری نمبر کے ذریعہ بھی اپنی شکایات درج کرواسکتے ہیں ۔

جواب چھوڑیں

آپ کا ای میل ایڈریس شائع نہیں کیا جائے گا.